لحظة من فضلك

السلام عليكم ورحمة الله وبركاته

ممكن تركز معايا شويه انا مش هاخد من وقتك كتيييير

ممكن تعمل ماسنجر اوف لاين

لو بتلعب أي جيم سيبها بس لمدة خمس دقايق!!

احنا هنلعب مع بعض لعبه مختلفة!!


لعبه....يمكن تعرفك شوية حجات عن نفسك!!!

لو انته لسه موجود لدلوقتي يبقى انته اكيد مركز معايا!
وفي الحاله دي هقولك اللعبه دي عباره عن ايه؟؟

بكل بساطه انا هسألك شوية اسئلة بعد كل سؤال فكر كويس اوي اوي في الاجابه وخليك فاكرها وبعدين كمل وفي الاخر هتفهم الكيته كلها.....

يلا بينا



دلوقتي ياسيدي انته في غابه اوصف الغابه دي؟وحاسس بي ايه؟؟
يعني قلقان؟؟مطمن؟؟فرحان؟؟زعلان؟؟
يلا خد وقتك وفكر...

وانته ماشي في الغابه لقيت فنجان في الارض!!اوصف الفنجان ده!
شكلوا ايه؟؟وانته ماشي هتاخدوا معاك ولا لا...
خلاص قررت؟؟


تمااااام
بعد كده وانته مكمل رحلتك فجأه لقيت اسد جي نحيتك!!!
هتتعامل معاه ازاي؟؟بعد ما اتعاملت مع الاسد بالطريقه اللي قررتها وانته مكمل مشي في الغابه لقيت بحيره
اوصف البحيره دي؟؟؟وفكر كده
هتنزلها؟؟هتقعد عليها؟؟هتتجاهلها تماما؟؟
شوف انته هتتعامل معاها ازاي
هااااا فاكر اجباتك كويس؟؟؟
افتكرها كويس لان دلوقتي هنروح للمرحله التانيه والاخيره!!!
7
7
7
7
7
7
7
7
7
7
7
انته دلوقتي في صحرا زي ما وصفت الغابه واحساسك وانته فيها...اوصف الصحرا واحساسك وانته فيها؟؟
بعد كده وانته ماشي في الصحرا لقيت صندوق شكل الصندوق ده ايه؟؟ولما تفتحوا هتلاقي فيه ايه؟؟؟
خلصنا الصندوق

وانته ماشي في الصحرا بعد كده لقيت سلم!!شكلوا ايه السلم ده؟؟طويل قصير؟؟ ولو وقفت عليه هيشيلك؟؟

وانته ماشي هتاخدوا معاك؟؟؟ خلي بالك مهم اوي انك تبقى فاكر اجابتك


يلا نكمل
وانته مكمل مشي في الصحرا لقيت حصان!!اوصف الحصان ده؟؟
اوصفوا كويس وبالتفاصيل؟؟

وبعدين فكر كده الحصان ده هيأمنلك؟؟
وانته هتتعامل معاه ازاي
وهتاخدوا معاك ولا لا؟؟

اخر حاجه بقى

وانته ماشي في الصحرا دي لقيت سور!!
السور ده طويل وعريض....انته مش شايف اخروا لا طول ولا عرض...
هتتعامل مع السور ده ازاي؟؟؟قدامك احتمالات كتييييير
تقعد تحت وتستنى الفرج؟؟تمشي جنوا لحد ما تجيب اخروا؟؟
تحاول تفتح فيه فتحه؟؟
شوف ويلا فكر........
خلاص كده خلصنا....
7
7
7
7
عاوزكم تكتبو كل تخايلاتكم
و بعدين انزلكم دلالة كل سؤال يلا بلاش كسل

لعه جامده اخر حاجه
وهى معايا على الموبايل
مشكووووووووووووووووووووووووووووووووووووووور

لا مش مشكور انا عاوز بصراحة
اول مرة تسمعيها تخيلاتك كانت ايه
بصراحة ها

اول حاجه الغابه كنت قلقانه
شكله حلو واخدته معايا
هواجه ومبينش ليه خوفى
البحيره هنزلها
قاقانه وخايفه
طويل وهيشيلنى
حصان جميل اوىولونه ابيض
هيامنلى
وهاخدو معايا
السور امشي جمبو لحد اما اشوف اخره
نزلى الدلائل بسرعه
مشكووووووووووووووور

الدلائل فى الجزء التانى فى المواضيع العامة يلا بسرعة ادخلى و شوفى